Sunday, November 29, 2015

Late A. S. Ponnammal, Congress Party



தேவேந்திரகுல வேளாளர் சமூகத்தில் பிறந்த ஏ.எஸ்.பொன்னம்மாள் (88) காலமானார்

நிலக்கோட்டை சட்டமன்றத் தொகுதியில் ஏழு முறை உறுப்பினராக இந்த பழம்பெரும் காங்கிரஸ் அரசியல் பிரமுகர் ஏ.எஸ்.பொன்னம்மாள் (வயது 88) அவர்கள் 24-11-2015 அன்று காலமானார் .

தேவேந்திரர் தன்னார்வ அறக்கட்டளை தலைவர் ம.தங்கராஜ் அவர்கள் இறுதி ஊர்வலத்தில் கலந்து கொண்டு அஞ்சலி செலுத்தினார். அவருடைய ஆன்மா சாந்தி அடைய எல்லாம் வல்ல இறைவனை பிராத்திக்கிறேன்.

15 ஆண்டுகளாக தீவிர அரசியலில் இருந்து ஓய்வு பெற்ற “அக்கா” பொன்னம்மாள் ஒருமுறை அவரது இலத்தில் சந்தித்து பேசிக் கொண்டிருந்தேன். அப்பொழுது அவர் சொன்ன சில விஷயங்களை உங்களுடன் பகிர்ந்து கொள்கிறேன்:

“அக்கா” பொன்னம்மாள் குடும்பம் காலாடி வகையறா , நிலக்கோட்டை அருகில் உள்ள அழகம்பட்டி கிராமத்தில் தலைவராகவும் இருந்தவர். இவர்கள் குடும்பத்திற்கு சொந்தமான குளம் இருந்துள்ளது. அதை ஆடு, மாடுகள் நீர் அருந்த பொது மக்கள் தேவைக்கு பயன் படுத்த முடிவு செய்து இவருடைய அப்பா அப்பொழுது திண்டுக்கல் ஆட்சியராக இருந்த திரு.சேஷன் அவர்களிடம் பேசி அரசுக்கு சொந்தமாக மாற்றச் சொல்லி ஊர் பொது பயன்பாட்டிற்கு கொடுத்த குடும்பம்.

காங்கிரஸ் கட்சியிலிருந்து நெடுமாறன், பொன்னம்மாள் விலகி இருந்த நேரத்தில் எம்.ஜி.ஆர் தன் இல்லத்திற்கு பொன்னம்மாள் அவர்களை அழைத்து தன் மனைவி கையில் விருந்து கொடுத்துள்ளார். காங்கிரஸ் கட்சியில் விலகி இருக்கும் நீங்கள் ஏன் அ.தி.மு.கவில் இணையக் கூடாது என்று கேட்டதற்கு நான் காங்கிரஸ் பாரம்பரியத்தில் வளர்ந்தவள் , என்னால் அரசியல் சூழலுக்காக அ.தி.மு.கவில் சேர முடியாது என்று சொல்லி மறுத்து விட்டார். எம்.ஜி.ஆர் இதை புரிந்து கொண்டு வெங்கட்ராமன் அவர்களிடம் பேசி இந்திராகாந்தியிடம் தெரியபடுத்தி மீண்டும் காங்கிரஸ் கட்சியில் சேர்க்க சொல்லியுள்ளார். காங்கிரஸ் கட்சி இவரை டில்லிக்கு அழைத்து இந்திராகாந்தி அவர்கள் முன்னிலையில் மறுபடியும் காங்கிரஸ் கட்சியில் சேர ஏற்பாடு செய்துள்ளார். இந்த இடத்தில் எம்.ஜி.ஆர் பண்பு, பொன்னம்மாள் அரசியல் நிலைபாட்டில் இருந்த உறுதி வெளிப்படுகிறது.

இப்படி எந்த இடத்திலும் பணத்திற்காக விலை போகாத , அரசியல் அதிகாரத்திற்காக மாறாத உறுதியான மன நிலையுடன் வாழ்ந்தவர். இப்படி பாராட்டத்தக்க வகையில் வாழ்ந்த பொன்னம்மாள் அவர்களின் அரசியல் வாழ்க்கை எளிமையை இந்த நாளில் நினைவு கொள்வோம்.




There was an error in this gadget

DKV

DKV

DKV

DKV

DKV

DKV
There was an error in this gadget

DKV Android Widget